Vittoriosa Stars
Per Ludos ad Astra
Xmas Dinner Dance
Xmas Dinner Dance at the Plaza Hotel on Saturday, 26 December 2009. Price includes buffet dinner, glass of wine or soft drink. Menu includes:
Fresh Vegetable & Bacon Soup
Tortellini Carbonara
Penne alla Puttanesca
California Chicken Breast
(Chicken Breast wrapped in Bacon and slow baked in spices)
Roast Pork Loin
(Spit Roasted Pork Loin served with a rich army gravy)
Dentici al Cartoccio
(Superb Fish steam cooked with onions, olives, lemon zest and olive oil)
Lamb Shanks
(Oven Baked Tender and Juicy Lamb Shanks served in a house Mint Sauce)
A Selection of Salads from the Cold Counter
A Panache of Vegetables
Oven Baked Potatoes
A Selection of Sweets & Fresh Fruit in Season
Adults: €20
Children under 12 years: €10
Transport will be provided at the price of €2 and limited parking is available free of charge.
Kondoljanzi-Twanny Buhagiar
Ilbierah thabret il-mewt tal-gurnalista u ex Coach ta Vittoriosa Stars Twanny Buhagiar fl-eta ta 70 sena. Buhagiar kien wiehed mill-veterani tal-gurnalizmu sportiv Malti b'karriera ta' 55 sena. 
Wara karriera bhala player tal-football fis-snin 60, Buhagiar kien beda karriera bhala gurnalist sportiv fejn ghal snin twal kien korrispondent tal-football fix-Shreiber ( Pace Grasso ) ground. Fl-istess waqt matul is-snin 70, Buhagiar kien stabbilxxa ruhu bhala wiehed mill-aqwa coaches tal-football lokali partikolarment ma Vittoriosa Stars fejn fi tlett snin tella lit-team tal- Birgu mit-Tielet sal-Ewwel Divizjoni.
Ghal bosta snin kien ukoll referee tal-Waterpolo, ufficjal fl-istess assocjazzjoni u wiehed mill-fundaturi tal-Ghaqda Kittieba Sports fl-1970. L-ahhar dehra pubblika tieghu kienet f'Jannar li ghadda meta inghata rikonoxximent mill-Kumitat Olimpiku Malti ghal hidma tieghu fix-xena sportiva. Twanny Buhagiar hadem hafna ghal Vittoriosa Stars fejn ghal zmien kien jiehu hsieb it-team tal-Birgu, dak tal-Minors kif ukoll Under 16 fl-istess sena.
Vittoriosa Stars jaghti l-Kondoljanzi lil Familja Buhagiar.
Justin Felice ma Vittoriosa Stars
Vittoriosa Stars komplew isahhu l-iskwadra taghhom b'akkwist iehor. Justin Felice ( attakkant ) ex player ta' Zebbug Rangers, Senglea Athletics u Floriana FC inaghaqad ma Vittoriosa Stars.
Il-Kumitat
Il-Kumitat
Bi pjacir il-Kumitat ta Vittoriosa Stars habbar li il-players kollha li gew ingaggati dan l-istagun qablu li ser jibqu leali lejn it-team anki fl-ewwel Divizjoni. L-unika decizzjoni li ghada ma ittihditx hija dwar il-players barranin peress li fil-kampjonat tal-ewwel Divizjoni tista tilghab barrani wiehed. Sadanitant Vittoriosa Stars ser jappellaw mil-Verdett li hareg mill - MFA
Vittoriosa S. se jappellaw u jistgħu jieħdu passi legali
Vittoriosa Stars mhux qegħdin jaqblu mad-deċiżjoni li ttieħdet mill-Bord Indipendenti tal-Investigazzjoni kontra l-Korruzzjoni tal-MFA u sostnew li se jappellaw u qegħdin jikkunsidraw ukoll jieħdu passi legali kontra dan l-istess bord.
Vittoriosa Stars taw ir-reazzjoni tagħhom għad-deċiżjoni tal-Bord Indipendenti tal-Investigazzjoni kontra l-Korruzzjoni l-bieraħ filgħodu f’konferenza stampa li kienet indirizzata mill-avukat tal-klabb, Dr Edward Gatt.
Nhar it-Tnejn il-Bord Indipendenti tal-Investigazzjoni kontra l-Korruzzjoni ta l-verdett tiegħu fil-każ ta’ korruzzjoni li l-klabb tal-Birgu kien implikat fih li jmur lura għas-27 ta’ Diċembru 2008 kontra St. George’s.
Il-Bord iddeċieda li Vittoriosa Stars jiġu relegati għall-Ewwel Diviżjoni b’effett immedjat u mmultati €4,000.
L-Avukat Gatt qal li l-każ tagħhom huwa differenti minn każi oħrajn ta’ tixħim għax l-uffiċjal tal-klabb tagħhom implikat fil-każ dejjem ċaħad l-involviment tiegħu u allura qatt ma kien hemm ammissjoni. Huwa qal li l-investigazzjoni fuq dan il-każ għadha għaddejja u l-proċeduri fil-qorti għadhom għaddejjin u għalhekk l-Avukat Gatt qal li minħabba l-każ huwa sub judice mhux se jitkellem fuqu.
Meta rrefera għall-investigazzjoni li saret mill-Bord Indipendenti tal-Investigazzjoni kontra l-Korruzzjoni, huwa spjega dak li seħħ sakemm ingħatat is-sentenza nhar it-Tnejn li għadda.
L-Avukat Gatt li nhar it-Tnejn wara li l-klabb sar jaf li se jiltaqa’ l-Eżekuttiv tal-MFA, talab li jkun preżenti fl-Eżekuttiv iżda t-talba tagħhom ma ntlgħaqetx. Huwa qal li sakemm issejħet il-konferenza stampa, il-klabb kien għadu ma ġiex mgħarraf uffiċjalment.
Iżda l-Avukat Gatt insista li Vittoriosa Stars ma jaqblux mad-deċiżjonijiet tal-Bord għal żewġ raġunijiet.
L-Avukat Gatt qal li waħda minnhom hija li huma jħossu li l-każ kien preġudikat kontrihom mill-bidu. Dan għax, spjega l-Avukat Gatt, li l-istess membri tal-Bord li mexxew l-inkjesta huma l-istess membri li mbagħad iġġudikaw kontra l-klabb u allura hemm illegalità għax l-istess membri li qalu li hemm każ biex jittieħdu passi, kienu l-istess membri li sabu l-klabb ħati.
It-tieni raġuni, qal l-Avukat Gatt, hija li l-każ kollu kien ibbażat fuq kredibbiltà tal-persuna li ressaq l-allegazzjoni kontra l-klabb tal-Birgu. Huwa qal li matul is-smiegħ tal-każ, din il-persuna lanqas biss tressqet tixhed iżda l-Bord għażel li jġib biss kopja ta’ dak li ntqal fil-Qorti bħala evidenza.
Għaldaqstant, qal l-Avukat Gatt, filwaqt li l-klabb lest jirrispetta d-deċiżjonijiet li tieħu l-assoċjazzjoni Maltija bħala klabb membru, mhux jaqbel mad-deċiżjonijiet tal-Bord u Vittoriosa Stars se jappellaw.
Minbarra hekk l-Avukat Gatt qal li teżisti l-eventwalità wkoll li jittieħdu passi legali kontra l-Bord dwar l-illegalità tiegħu minħabba nuqqas ta’ smiegħ xieraq u ġust. Mistoqsi jekk il-klabb jagħmel dan il-pass ifissirx kif stipulat skont l-istatut li jitlef postu minn ħdan l-assoċjazzjoni Maltija, l-Avukat Gatt qal li l-Bord huwa awtonomu u indipendenti.
Għal mistoqsija dwar riperkussjonijiet li jista’ jsofri l-klabb b‘din id-deċiżjoni wara l-investiment qawwi fl-iskwadra, is-segretarju tal-klabb Gerrard Ellul, qal li sal-Ħamis hu u l-president tal-klabb marru sal-kwartieri tal-MFA biex jaraw jekk kienx se jkun hemm żviluppi dwar il-każ tagħhom iżda ma ngħatawx indikazzjoni u għalhekk l-għada daħħlu r-reġistrazzjonijiet biex ikunu eliġibbli għal-logħba tas-Sibt kontra Sliema Wanderers.
Huwa qal li għaldaqstant dan kien ifisser li l-klabb laħaq ikkommetta ruħu ma’ diversi individwi fosthom it-tliet plejers barranin.
Is-Sur Ellul qal li fl-Ewwel Diviżjoni l-klabb jista’ jilgħab biss barrani wieħed u għalhekk issa uffiċjali tal-klabb se jiltaqgħu mal-MFA biex jingħataw linji gwida dwar kif jistgħu jkomplu bil-ħidma tagħhom fil-futur.
Is-Sur Ellul kif ukoll l-Avukat Gatt qalu li iżda għalissa għadu prematur jikkummentaw iktar u wissew li sakemm ikunu notifikati uffiċjalment mill-MFA jista’ jkun hemm żviluppi oħrajn.
Sakemm jinqata’ l-appell Vittoriosa jridu jilagħbu fl-Ewwel Diviżjoni
Wara li Vittoriosa Stars għandhom kull dritt jappellaw fuq id-deċiżjonijiet li ttieħdu fil-konfront tagħhom mill-Bord Indipendenti tal-Investigazzjoni kontra l-Korruzzjoni tal-MFA, sakemm jinqata’ l-appell huma jridu jonoraw is-sentenza kif mogħtija mill-Bord. Dan ikkonfermatu l-MFA fi stqarrija li ħarġet matul il-lejl ta’ bejn it-Tnejn u t-Tlieta li fiha għalhekk ikkonfermat ukoll li l-Kampjonat BoV Premier 2009-2010 se jkompli b’disa’ timijiet.
L-MFA ħarġet l-istqarrija tagħha wara li ntemmet il-laqgħa tal-Eżekuttiv tal-assoċjazzjoni li ltaqa’ tard it-Tnejn filgħaxija.
Fl-istqarrija l-MFA qalet li l-Kumitat Eżekuttiv ra u ddiskuta d-deċiżjoni tal-Bord tal-Investigazzjoni kontra l-Korruzzjoni li permezz tagħha Vittoriosa Stars ġew relegati għall-Ewwel Diviżjoni b‘effett immedjat u mmultati €4,000.
Għalkemm Vittoriosa Stars għandhom dritt jappellaw, skont ir-regolamenti tal-MFA sakemm jinqata’ l-appell huma jridu jonoraw id-deċiżjoni tal-Bord u dan ifisser li jkollhom jilagħbu fl-Ewwel Diviżjoni. Iżda mbagħad Vittoriosa għandhom id-dritt ukoll li sakemm jinqata’ l-appell ma jħallsux il-multa.
Għaldaqstant dan ifisser li Vittoriosa Stars m’għadhomx jifformaw parti mill-BoV Premier League 2009-2010 u li allura se jkun kompost minn disa’ timijiet u minflok, Vittoriosa Stars, se jifformaw parti mill-Kampjonat BoV tal-Ewwel Diviżjoni li issa se jkun kompost minn 11-il tim.
L-MFA qalet ukoll li minħabba din id-deċiżjoni se jkollu jsir tibdil fil-programmi li diġà tħabbru tal-Kampjonati BoV tal-Premier u tal-Ewwel Diviżjoni.
Minħabba din id-deċiżjoni wkoll, il-logħba bejn Vittoriosa Stars u Sliema Wanderers tas-Sibt li għadda, li dawn tal-aħħar rebħu bl-iskor ta’ 3-0, hija nulla għal kull effett ħlief għall-każi ta’ dixxiplina.
L-MFA qalet ukoll li l-Kumitat Eżekuttiv iddeċieda wkoll illi Vittoriosa Stars għandhom jingħataw il-possibbiltà li jieħdu sehem fil-Maltco Knock-Out tal-Ewwel Diviżjoni.
Vittoriosa S. relegati għall-Ewwel Diviżjoni u mmultati €4,000
Il-Bord Indipendenti tal-Investigazzjoni kontra l-Korruzzjoni tal-MFA il-bieraħ ħareġ bil-verdett fil-każ ta’ korruzzjoni ta’ Vittoriosa Stars fejn dawn tal-aħħar ġew relegati fl-Ewwel Diviżjoni b’effett immedjat u mmultati wkoll is-somma ta’ €4,000.
Il-każ li kienu mplikati fih Vittoriosa Stars imur lura għas-27 ta’ Diċembru 2008.
Il-Bord Indipendenti tal-Investigazzjoni kontra l-Korruzzjoni investiga l-każ hu wkoll u fil-11 tax-xahar kien sema’ x-xhieda kollha sakemm il-bieraħ ta l-verdett tiegħu.
Vittoriosa Stars ġew relegati għall-Ewwel Diviżjoni b’effett immedjat filwaqt li ġew immultati €4,000.
Preżentazzjoni tal-plejers il-ġodda ta’ Vittoriosa Stars:
F’konferenza tal-aħbarijiet immexxija mill-president Erskin Vella, Vittoriosa Stars ippreżentaw lill-akkwisti l-ġodda għal dan l-istaġun.
Fid-diskors tal-ftuħ, is-Sur Vella qal din hija l-ewwel esperjenza tiegħu personali f’dan il-livell fi klabb li qed jipparteċipa fil-Kampjonat Premier.
Is-Sur Vella, fiehem kif l-impenn huwa wieħed diffiċli biex il-klabb tagħhna jibqa’ jżomm fl-ogħla diviżjoni iżda, flimkien ma’ sħabu fil-kumitat, jinsab ottimist li jistgħu jintlaħqu ċerti miri. Huwa saħaq għall-għaqda u biex kulħadd fil-kamp ta’ Birgu jżomm saqajh mal-art u jaħdem fi sforz kollettiv biex it-tim ikun sfida denja għal kull avversarju.
It-tieni kelliem kien is-segretarju, is-Sur Gerrard Ellul, fejn ippreżenta lill-akkwisti l-ġodda li huma Jeffrey Chetcuti, Beppe Muscat (self) u Henry Bonello mingħand Sliema Wanderers; Jonathan Xerri, Gary Inguanez, Kurt Formosa u Clayton Micallef (kollha b’self) mingħand Hibernians; Paul Camilleri (b’self) mingħand Birżebbuġa SP; Brandon Bonnici (b’self) mingħand Għaxaq; Mauro Brincat (b’self) mingħand Floriana; Elton Vella (b’self) mingħand Kercem Ajax u plejers barranin - in-Niġerjan b’passport Ġermaniż, Henry Isaac, is-Serb Nikola Vukanac u ċ-Ċek Martin Hrubsa.
Is-Sur Ellul wera s-sodisfazzjon tiegħu li l-klabb ta’ Vittoriosa Stars se jilgħab fl-ogħla diviżjoni wara nuqqas ta’ 33 sena.
Fir-rigward tal-akkwisti l-ġodda, kienet aktar diffiċli minħabba li Vittoriosa Stars huma klabb żgħir iżda xorta waħda l-kowċ, Winston Muscat, irnexxielu jattira bosta plejers żgħażagħ flimkien ma’ plejers ta’ esperjenza biex issa l-iskwadra hija komposta minn 21 plejer.
It-tielet kelliem kien il-kowċ innifsu, Winston Muscat, fejn biex irringrazzja lill-kumitat tal-fiduċja li wera fl-abbiltajiet tiegħu.
“Nixtieq nirringrazzja lill-kumitat kollu li tani ċ-ċans biex naħdem fl-ogħla diviżjoni u li se tkun l-ewwel esperjenza personali tiegħi.
“Sa mill-bidu tal-ingaġġ tiegħi, flimkien mal-kumitat, bdejt naħdem biex jinġiebu elementi ġodda biex insaħħu l-iskwadra u dejjem sibt koperazzjoni netta.
“Illum ngħid li l-kampanja akkwisti rnexxiet minħabba li bnejna skwadra b’bosta plejers żgħażagħ imħallta b’nukleu ta’ esperjenza. Minkejja l-limiti tagħna, xorta waħda ħdimna flimkien u qed inħarsu lejn il-Kampjonat Premier b’ċertu ottimiżmu.
“Nemmen li dawn il-plejers huma determinati biex jagħtu risposta li huma kapaċi jilagħbu u jkunu sfida denja għal kull tim.
“Min-naħa tiegħi, jien inwiegħed li aħna bħala skwadra se naħdmu u nużaw l-enerġija massima tagħna biex flimkien naslu għall-obbjettiv li għandna f’moħħna - dak li nżommu posta fil-Premier,” temm jgħid is-Sur Muscat.
L-aħħar kelliemi kien is-Sur John Boxall li huwa wkoll is-Sindku tal-Birgu.
Huwa beda d-diskors tiegħu fejn qal li r-responsabbiltà tal-Kunsill hija biex jieħu ħsieb il-lokal tal-Birgu u għaldaqstant il-Kunsill ħaseb ukoll fil-klabb billi se jinvesti fi grawnd biex il-plejers u t-tfal tan-Nursery ikollhom fejn jagħmlu t-taħriġ u mhux iridu joqogħdu jagħmlu użu minn dak ta’ Marsaxlokk.
Il-Kunsill ilu jaħdem għal dawn l-aħħar seba’ snin biex il-lokal tal-Birgu jkollu l-grawnd tiegħu. Din l-idea nbdiet 13-il sena ilu biex isir grawnd sintetiku fejn kien hemm anke l-ħsieb ta’ nvestiment barrani, li iżda, dan il-pjan falla minħabba li n-negozjanti riedu l-introjtu lura malajr, xi ħaġa li ma setgħetx issir.
Illum il-Kunsill jinsab fi stadju fejn jista’ jagħti donazzjoni ta’ €70,000 flimkien ma’ €160,000 mogħtija mill-MFA biex isir dan il-proġett.
Iżda l-Kunsill irid imur aktar minn hekk għax qed jippjana proġett kbir biex il-grawnd isostni lilu nnifsu speċjalment għall-manutenzjoni kif ukoll għal dawk il-problemi li jistgħu jinqalgħu.
Hemm ippjanat li taħt il-grawnd jinbena parkeġġ bi tliet sulari fejn jinbnew ukoll garaxxijiet li jistgħu jinkrew kif ukoll li sular minnhom se jkun irriservat għan-nies tal-Birgu (bi prezz speċjali).
Iżda dan il-proġett se jkun jiswa madwar €3.5 miljun. Għaldaqstant dan il-proġett se jkun fuq l-aġenda ewlenija tal-Kunsill għall-futur qrib.
Il-Kunsill irid li t-tfal tal-Birgu jkollhom il-grawnd tagħhom minħabba li l-isport isawwar ukoll il-karattru tagħhom.
Henry Bonello ma Vittoriosa S.
Il-gowlkeeper ta¡¯ Sliema Wanderers, Henry Bonello, aċċetta li jing©¤aqad ma¡¯ Vittoriosa Stars, b¡¯self, g©¤al dan l-istaġun. Henry ghandu 21 sena u gieli gie msejjah ma team Nazzjonali Malti.
Prodott tal-Wanderers: Bonello g©¤amel id-debutt fil-Kampjonat Premier, fl-1 ta¡¯ April, 2007, fir-reb©¤a ta¡¯ 4-1 fuq Marsalokk. Fi tliet staġuni huwa lag©¤ab 34 partita u sofra 48 gowl.
Xerri ma’ Vittoriosa Stars
Il-klabb promoss għall-Kampjonat Premier, Vittoriosa Stars, kompla jsaħħaħ l-iskwadra tiegħu meta rnexxielu jiffirma lill-midfielder żagħżugħ, Jonathan Xerri, mingħand Hibernians, li kapaċi jilgħab ukoll fid-difiża.Xerri ilu tliet staġuni jilgħab mat-tim Pawlist iżda bħal donnu għadu ma jistax isib post regolari fit-tim u għaldaqstant dan it-trasferiment jista’ jagħtih dik il-motivazzjoni biex juri l-veru potenzjal li jippossjiedi.
Huwa ddebutta fl-ogħla diviżjoni mat-tim Pawlist, fil-31 ta’ Marzu, 2007, fit-telfa ta’ 2-1 kontra Birkirkara (Stadium Nazzjonali). Fi tliet staġuni huwa ġie utilizzat fi 15-il partita.
Hames players ma’ Vittoriosa Stars
|
Wara li rexxielhom jiffirmaw lid-difensur Jeffrey Chetcuti mingħand Sliema Wanderers, Vittoriosa Stars, iffirmaw lil hames players oħra fit-tentattiv li jsahhu l-iskwadra hekk kif fl-istaġun li għadu kif intemm rebħu l-promozzjoni għall-Kampjonat Premier. |
Barra minn hekk, il-kowċ Winston Muscat (ritratt), se jkollu lil Saviour Darmanin biex jassistih minn fuq il-bank fejn jista’ jservi wkoll ta’ kowċ għall-gowlkipers minħabba l-esperjenza vasta li għandu f’dan il-qasam. |
Jeffrey Chetcuti ma’ Vittoriosa Stars
Vittoriosa Stars lahqu ftehim ma Jeffrey Chetcuti biex matul l-istaġun li ġej jilbes il-flokk tagħhom minkejja li ġie avviċinat minn klabb ieħor partikolari.
Bla dubju, Chetcuti llum jitqies bħala ambaxxatur tal-futbol Malti meta serva lil-logħba domestika għal xejn inqas minn 19-il sena ma’ erba’ timijiet differenti, Mosta (fl-Ewwel Divżjoni), Luxol St. Andrew’s, Valletta u Sliema Wanderers, ilkoll fil-Kampjonat Premier.
Debutt ma’ Mosta (1990/91-1991/92) fl-Ewwel Diviżjoni - 5 ta’ Jannar, 1991, fid-draw ta’ 0-0 kontra Luxol St. Andrew’s (fil-Marsa Sports Ground) - Ma’ Mosta, f’din id-diviżjoni lagħab 28 partita.
Debutt ma’ Luxol St. Andrew’s (1992/93) - 29 ta’ Awissu, 1992, fit-telfa ta’ 3-2 kontra Birkirkara (Stadium Nazzjonali). Fi staġun wieħed, Chetcuti lagħab 18-il logħba u bl-uniku gowl jasal fis-19 ta’ Settembri, 1992, fir-rebħa ta’ 6-1 fuq Mellieħa.
Debutt ma’ Valletta (1993/94 - 2001/02) - 8 ta’ Settembru, 1993, fir-rebħa ta’ 4-2 fuq Luxol St. Andrew’s (Stadium Nazzjonali). Bil-flokk ta’ Valletta lagħab 194 partiti u skorja ħames gowls bl-ewwel wieħed jasal nhar it-23 ta’ April, 1994, fit-telfa ta’ 4-3 kontra Hibernians.
Debutt ma’ Sliema W. (2002/03-2008/09) - 24 ta’ Awwissu, 2002, fid-draw ta’ 2-2 kontra Pietà Hotspurs (Stadium Nazzjonali). Mal-Wanderers lagħab 165 partita u skorja żewġ gowls bl-ewwel wieħed jiġi skurjat nhar il-11 ta’ Settembru, 2002, fir-rebħa ta’ 1-0 fuq Marsaxlokk
Merhba
Merhba fis-sit ta Vittioriosa Stars. F'din is-sit issibu dak kollu li ghandu x'jaqsam ma Vittoriosa Stars. Inheggukon biex izzuru spiss din is-sit u thallu il-kumenti u suggerimenti taghkom fil-Guestbook taghna.
Loghob li jmiss:
Join Us
